စိုင်းခမ်းလိတ်ရဲ့  ဆင်းရဲသားအတွေး

စိုင်းခမ်းလိတ်ရဲ့  ဆင်းရဲသားအတွေး
(တစ်)

တစ်ခါက အလွန်ချမ်းသာကြွယ်ဝသည့် လူလတ်ပိုင်းအရွယ်တစ်ယောက်သူဌေးတစ်ယောက်နှင့် ကျွှန်တော်တို့ ဆုံဖြစ်ကြပါသည်။ သူက သိန်းသုံးလေးထောင်တန် (ခုချိန်လောက်ဆိုရင်တော့ သိန်းတစ်ထောင်ကျော်ကျော်လောက်တော့ တန်မှာပေါ့ ကျွှန်တော်လဲ မသိပါဘူး ..ကားဈေးတွေ ကျတယ်ကြားလို့ ပါ ။ ။ဤကား စကားချပ်) ကိုယ်ပိုင်ကား စီးနေသည့်သူ။ သူုကိုယ်ပိုင်ကားက တကယ့်ကိုယ်ပိုင်ကား ဖြစ်ပါသည်။ ကားတစီးကို တအိမ်လုံးဝိုင်းစီးနေတာမျိုးမဟုတ်။ သူ့ မိသားစု အသိုင်းအ၀န်းက လူတကိုယ်ကားတစီး အသိုင်းအ၀ိုင်းဖြစ်လေရာ သူကား က သူကားဆိုမှ သူကား ။ ကျွှန်တော်တို့ အားလုံးကမူ ဘတ်စ်ကားတိုးစီးနေသူတွေ။“ဆင်းရဲတာ ဂုဏ်ယူစရာမဟုတ်ဘူး ချမ်းသာတာမှ ဂုဏ် “သူက သူ့ အယူအဆကို ဒီလိုပဲ ရှင်းရှင်းလင်းလင်း ဖော်ထုတ်ပါသည်။ တရုတ်ပြည်၏ ခေါင်းဆောင်ကြီး တိန့် ရှောင်ဖိန်ကပင်လျှင် To Get Rich Is Glorious ဟု ဆိုခဲ့ပြီ မဟုတ်လား။ ချမ်းသာခြင်း သည် ဂုဏ်ကျက်သရေတဲ့ ။“ချမ်းသာတာ ကောင်းပါတယ် ၊ ဒါပေမယ့် ဘယ်လိုနည်းနဲ့  ချမ်းသာလာခဲ့တယ် ဆိုတာက ရှိသေးတယ်လေ”ဒါက ကျွှန်တော်တို့  ၀ိုင်းထဲက လူတစ်ယောက်က သူ့ စကားကို ပြန်စောဒက တတ်ခြင်းဖြစ်ပါသည် ။ သည်တော့ သူ့ မျက်နှာ ကွတ်ခနဲ ဖြစ်သွားသည်။ ရိုးသားရင် အရိုးဝါးရမယ် ဆိုသော စကားကို ကျွှန်တော်က အမှတ်ရမိသည်။ ချမ်းသားခြင်း ဆင်းရဲခြင်းနှင့် လူတို့ ၏ စိတ်ခံစားမှုများ။

(နှစ်)

ကုလအတွင်းရေးမှုး ဘန်ကီမွန်းက ကုလသမဂ္ဂ၏ ရှေ့ ဆက်လက် ဆောင်ရွက်ရမည့် လုပ်ငန်းစဉ်များနှင့် ပက်သက်၍ ပြောရာ၌ ကမ္ဘာ့  ဆင်းရဲ မွဲတေမှုကို တိုက်ဖျက်ရေးလည်း ပါဝင်ပါသည်။ ကမ္ဘာပေါ်၌ လူအများစုမှာ တစ်ဒေါ်လာ သို့ မဟုတ် တစ်ဒေါ်လာ အောက် ၀င်ငွေဖြင့် ရပ်တည်နေခြင်းဖြစ်ရာ သွေးပျက်ဖွယ် အနေအထားပင် ဖြစ်ပါသည်။ BBC က ဦးဆောင်ကောက်ယူသော စာရင်းဇယားများအရ ကမ္ဘာ့ နံပါတ်တစ် ပြဿနာကို စစ်တမ်းထုတ်ကြရာ ဆင်းရဲမွဲတေမှု ပြဿနာတဲ့၊ အကြမ်းဖတ်မှု ပြဿနာတဲ့ ၊ သဘာဝရာသီဥတုဖောက်ပြန်မှု ပြဿနာတဲ့  ၊ သည် ပြဿနာသုံးခုကပဲ ထိပ်တန်းကနေ စာရင်းထွက်လာပါသည်။ ဘာပဲဖြစ်ဖြစ် ဆင်းရဲတာဟာ ပြဿနာ ဖြစ်နေတာတော့ သေချာပါသည်။

လူတစ်ယောက် သိန်းလေးငါးထောင်တန် ဇိမ်ခံကားကြီး စီးနေစဉ် လူတစ်ယောက် ဖိနပ်တရံဝယ်ဖို့  ခေါင်းခဲနေတာ ကျွှန်တော်တို့ ကမ္ဘာကြီး ဖြစ်ပါသည်။ လူတစ်ယောက် တစ်သိန်းကျော် အရက်တစ်လုံး ထောင်ထားစဉ် လူတစ်ယောက် တောအရက်တစ်ပိုင်းအတွက် မနည်းအားထုတ်နေတာ ကျွှန်တော်တို့ ကမ္ဘာကြီး ဖြစ်ပါသည်။ လူတစ်ယောက် ကမ္ဘာရှေ့ နောက် လေယာဉ်ဖြင့် လူးလာခေါက်တုံနေစဉ် လူတစ်ယောက်က အိတ်ထဲက ဘတ်စ်ကားခလေးကို စမ်းစမ်းကြည့်နေရတာ ကျွှန်တော်တို့  ကမ္ဘာကြီး ဖြစ်ပါသည်။ လူ တစ်ယောက်က ၂၄ နာရီ လေအေးပေးစက် ဖွင့်ထားသည့် အခန်းထဲ၌ ရှိနေစဉ် လူတစ်ယောက်က ပုဆိုးနံငယ်ပိုင်းကလေး ရေစွတ်ကာ ကိုယ်ခန္ဒာကို ပွတ်သတ်နေရတာ ကျွှန်တော်တို့  ကမ္ဘာကြီး ဖြစ်ပါသည် ။ လူတစ်ယောက်က ကမ္ဘာ့  ထ်ိပ်သီးတက္ကသိုလ်ကြီး တစ်ခုသို့ ဝင်ခွင့်လျှောက် ထားနေစဉ် လူတစ်ယောက် ရွှံဗွတ်တွေထဲ ဖြတ်ပြီး လယ်ကွင်းစပ်က စာသင်ကျောင်းလေးဆီ သွားနေတာ ကျွှန်တော်တို့  ကမ္ဘာကြီး ဖြစ်ပါသည်။ ဘာကြောင့် ဆင်းရဲသူ ဆင်းရဲကာ ချမ်းသာသူ ချမ်းသာနေကြပါလိမ့်။

ရှေးဘ၀ အဆက်ဆက် ကုသိုလ်ကံကြမ္မာကြောင့်လား ၊ ခေတ်စနစ် အဆင် အကွက်တွေကြောင့်လား ။

တေးရေးဆရာ စိုင်းခမ်းလိတ်က ဆင်းရဲသားအတွေးဆိုသည့် သီချင်းတပုဒ် ဖွဲ့ခဲ့ဖူးပါသည် ။ သည်သီချင်းကို ဒေါက်တာစိုင်းခမ်းလိတ်၏ အသံရှာဖွေမှုနှင့် လိုက်ဖက်ညီအောင် သီဆိုနိုင်စွမ်းရှိသော စိုင်းထီးဆိုင်က သီဆိုခဲ့ခြင်းလည်း ဖြစ်ပါသည်။

(သုံး)

ဆင်းရဲသားအတွေး

ရေး -စိုင်းခမ်းလိတ်

ကားကလေးတွေ အစီအရီ စီးသွားကြတယ် x x x လမ်းမမှာ မင်း ငေးမနေနဲ့ ကလေးရယ် x x x မကြားဝံ့ မနာသာ ပြောသွားကြမယ် x x x ရွှေလင်ပန်းနဲ့  အချင်းဆေးသူ လူမှုရေးကျ ညံ့တတ်တယ် x x x

လူဆိုတာ မွေးလာကတည်းက အခွင့်အရေးချင်းကွာခြား x x x ကြယ်မြင်တဲ့ အမိုးငယ်အောက်က x x x ကိုယ်စဉ်းစား အခါခါ x x x သူများအတွေး အဖို့ ရာ ဘ၀ဆိုတာ x x x သိပ်ပြီးတော့ လွယ်နေမလား x x x

ငါးပြားတန် အကြော်လည်း မရောင်းတော့ဘူးတဲ့ x x x ၀မ်းဝဖို့ အရေး ရုန်းကန်ဦး ကလေးရယ် x x x ခါးလှဖို့ ဆိုတာ စိတ်ကူးတစ်ခုပဲ x x x ရွေလင်ပန်းရှင် လမင်းရယ် x x x မြင်ပေမယ့် ဝေးလှတယ် x x x

ထီဆိုတာ ပေါက်နိုင်ဖို့  x x x ထီလတ်မှတ်တော့ လိုတယ် x x x ငွေဆိုတာ ပိုက်ဆံနဲ့  x x x ခေါ်မှရတယ် x x x ကူမယ့်လူသာရှိရင် ဘ၀ဆိုတာ x x x ဒီထက်တော့ လွယ်ကူလေမလား x x x

မိုးချုပ်ကောနေ၀င် နေ့ တွက်ကြည့်ရင် x x x မနက်တွက် တနပ်တင်းလို့ နေမြဲ ကလေးရယ် x x x ကြိုးစားဖို့ အရာတောင် အားမရှိတော့တယ် x x x မှန်မှန်လုပ်ပြီး အရိုးပါးသူ x x x တစ်ခါတလေအသားဟင်း တောင့်တတယ် x x x ချောင်မှာ နစ်ယောက်တည်းဖက်ပြီး x x x ငိုရတဲ့ရက်များ x x x အမှောင်မှာနေပြီး အမိုက်ထဲရောက်သွားဖို့  မခက်ပါ x x x အူမတောင့်ရင် သီလတွေ စောင့်ဖို့ လွယ်ကူနိုင်မလား x x x မြက်ဟောင်းကို မွှေရင် အပုပ်နဲ့ ထွက်တယ် x x x တရားနဲ့ သာ တို့ စိတ်ဖြေဖို့ ကလေးရယ် x x x ထွက်ပေါက်ကို မရှာဘူး ရောက်တော့တွေ့ တယ် x x x လူတွေမကောင်းတာ ပြောမယ့်အစား x x x နက်ဖြန်အကြောင်းပဲ ပြောကြမယ် ရင်မှာလေ အကောင်းဆုံးအတွက် မျှော်လင့်ချက် ပိုက်ထားကာရယ် x x x အပြင်မှာလေ အဆိုးဆုံးအတွက် အဆင်သင့်ပြင်ထားကာရယ် x x x တကယ်အကျနာရင် ဘ၀ဆိုတာ x x x နာလန်ထဖို့ အရေး လွယ်ကူပါ့မလား x x x

လမ်းမပေါ်မှာ ကားတွေ ဖြတ်သွားလျတ် ၊ မိန်းမပျိုလေးတစ်ယောက်က ကားရောင်စုံကို လှမ်းငေးလို့  မငေးနဲ့ တဲ့ ၊ ရွှေလင်ပန်းနဲ့ အချင်းဆေးသူ အများစုဟာ လူလို နားမလည်တာ များတယ်တဲ့ ။ မင်းကို ထိကပါး ရိကပါး စော်ကားမော်ကား စကားတွေ လှမ်းပြော သွားလိမ့်မယ်တဲ့ ။ လူသားတို့  ဘ၀များ ကွာခြားပုံတွေကို စဉ်းစားကြည့်တဲ့ အခါ တစ်ချို့ တစ်ချို့ သော ဘ၀တို့ လွယ်ကူလွန်းပုံတွေကို အံသြမိပါရဲ့ ဟု လည်း တေးရေးဆရာက ဆိုပါသည်။ ၀မ်းဝဖို့ ခါးလှဖို့  ရုန်းကန် တိုက်ပွဲဝင်ကြပါစို့  ၊ ထီင်္ပေါက်ဖို့  ထီလက်မှတ်လိုသလို ငွေကို ငွေနဲ့ လိုက်ရမှာမို့  ကူညီမယ့်လူ ရှိရင် ပိုများလွယ်ကူလေမလား ဟုလည်း တေးရေးဆရာက ဆိုပါသည် ။ ခုတော့ အမှောင်ထဲမှာ တို့ နှစ်ယောက်ငိုကြဦးစို့ ရဲ့ တဲ့ ။အူမ မတောင့်သော်လည်း သီလစောင့်လျတ် နက်ဖြန်ကို ရင်ဆိုင်ကြဦးစို့ တဲ့ ၊ ဘ၀နာလန်ထလာဖို့ ရော လွယ်ကူပါ့မလား စသည် စသည်ဖြင့် ဖွဲ့ ထားသော သီချင်းဖြစ်ပါသည်။

ချမ်းသာတာကောင်းသလား ၊ မကောင်းဘူးလား၊

ချမ်းသာဖို့ အတွက် လွယ်သူလွယ်ပြီး ဘာကြောင့် ခက်သူခက်နေရပါသလဲ ။

အူမတောင့်ဖို့ ရာ သီလစောင့်ရမလား ။ မစောင့်ရဘူးလား ။

ဆရာစိုင်းခမ်းလိတ် ၏ ဆင်းရဲသားအတွေး ဖြစ်ပါသည် ။

Credit ----မြန်မာ့သွေး website မှ ဆရာမောင်သာချို ရေးသားသော စာမူကို ပြန်လည်တင်ပြခြင်းဖြစ်ပါသည်။